SUMARBÚÐIR
Eftirminnilegt sumar minninga og áskorana
Markmið sumarbúða skáta er að börnin komist í snertingu við náttúruna, kynnist spennandi útilífsstarfi skátahreyfingarinnar, eignist félaga úr fjölbreyttum hópi og njóti sín sem einstaklingar.
Aldur
Sumarbúðirnar eru ætlaðar börnum á aldrinum 9-14 ára.
Verð
Verð er 64.900 kr. Innifalið í verði er rúta, gisting,
matur og öll dagskrá.
Systkinaafsláttur er 10%.
Tímabil
Sumarbúðir 2023
12. – 16. júní (9-11 ára)
19. – 23. júní (9-11 ára)
26. – 30. juní (12-14 ára)
3. – 7. júlí (12-14 ára)
7. – 11. ágúst (9-11 ára)
14. – 18. ágúst (12-14 ára)
Um sumarbúðirnar
Það er líf og fjör að mæta í sumarbúðir og kynnast nýjum krökkum, náttúrunni og fara í spennandi dagskrá. Meðal dagskrárliða sem boðið er upp á er klifur, bátar, bogfimi, hópeflisleikir, vatnasafarí, gönguferðir, kvöldvökur og margt fleira!
Aðstaða til útivistar gerist vart betri, fjöldi leiktækja og þrautabrauta, stærsti klifur- og sigturn landsins og margar skemmtilegar gönguleiðir. Í sumarbúðunum takast allir á við krefjandi verkefni í öruggu umhverfi.
Starfsmennirnir eru stoltir af því að bjóða upp á metnaðarfulla dagskrá í sumarbúðunum. Sumarbúðirnar eru reknar af skátahreyfingunni og eru gildi hennar höfð til hliðsjónar í öllu starfi.