Skátarnir
Home Blog Síða 3

Jæja, þá er komið að því sem allir hafa beðið eftir: Dagskráin fyrir Útileguhelgi fjölskyldunnar er klár!

Laugardagur:
• 10.00-12.00 Bogfimi í Strýtunni
• 13.00-13.30 Kennsla í Gaga-bolta á Gaga-vellinum
• 14.00-14.30 Kennsla Frisbíbolfi við tjaldsvæðahliðið
• 14.30-16.00 Hjólabátar á bátatjörninni
• 16.00-18.00 Klifur í hæsta klifurturni landsins
• 20.00-21.00 Varðeldur

Sunnudagur:
• 10.00-12.00 Kajakar og kanóar á Úlfljótsvatni

Nánar um Útileguhelgi fjölskyldunnar hér.

Við minnum líka á að sömu helgi stendur yfir hátíðin Borg í sveit á vegum Grímsnes- og Grafningshrepps. Fjöldi aðila býður þá gestum og gangandi heim að skoða og prófa hitt og þetta. Sjá dagskrá Borg í sveit hér: http://www.gogg.is/borg-i-sveit-2017/

Réttindanámskeið Úlfljótsvatns kenna skátum að stýra hluta af þeirri dagskrá sem er í boði í Útilífsmiðstöðinni. Námskeiðin eru opin fyrir alla skáta sem eru 15 ára og eldri, en til að fá réttindi til að stjórna dagskrá þarf viðkomandi að hafa náð 18 ára aldri. Endurnýja þarf réttindin á tveggja ára fresti.

Þeir skátar sem hafa réttindi til að stjórna dagskrá geta gert það, t.d. í félagsútilegu, og borgar félagið þá mun lægra gjald fyrir afnot af dagskrárafstöðu (bogfimi, klifur og bátar) en ef kaupa þarf leiðbeinendur frá Úlfljótsvatni. Það er því til mikils að vinna fyrir félög að hafa gilda dagskrárstjórnendur á sínum snærum, fyrir utan að námskeiðin eru gagnleg og skemmtileg fyrir skáta sem hafa áhuga á reynslu sem útivistarleiðbeinendur.

Í vor eru tvö námskeið í boði:

• 25.-26. mars: Bogfimi og eldað fyrir hópa.
Lærðu að nota stórt eldhús, plana máltíðir og töfra fram dýrindis mat fyrir skáta eða aðra hópa. Einnig kynnist þú grunnatriðum í bogfimi, lærir að undirbúa bogfimidagskrá og stýra henni á öruggan og skemmtilegan hátt.
Námskeiði byrjar kl. 18.00 á laugardegi og stendur til 17.00 á sunnudegi. Matur er innifalinn og kostnaður aðeins 3.900 kr. á mann.

• 29.-30. apríl: Klifur og bátar.
Lærðu að umgangast mismunandi báta, sigla öryggisbát, gæta að öryggisatriðum, bjarga úr vatninu og fleira. Klifurturninn er líka tekinn fyrir, munurinn á sjálfvirkri fallvörn og ofanvaðli og hvernig maður stýrir klifurdagskrá á öruggan og skemmtilegan hátt.
Námskeiðið byrjar kl. 13.00 á laugardegi og stendur til 17.00 á sunnudegi. Matur er innifalinn og kostnaður aðeins 3.900 kr. á mann.

Skráning og upplýsingar hjá Elínu Esther í elin@skatar.is