Skátarnir
Home Forsíðubox
Veljum þennan efnisflokk til að fá efnið til að birtast í forsíðuboxinu.

Bogfimin hefur hitt í mark hjá unglingum á öllum aldri
Það verður mikið fjör um verslunarmannahelgina á Úlfljótsvatni og þar verður fjölskyldan í fyrirrúmi. Allir eru eins og alltaf velkomnir á tjaldsvæðið og engin þörf á að vera skáti til að geta notið sín. Guðmundur Finnbogason hjá Útilífsmiðstöð skáta segir að allir eigi að geta fundið eitthvað við sitt hæfi.

Bátarnir heilla marga

Bátarnir heilla marga

Bogfimi, bátar, klifurturn, vatnasafarí, hoppukastalar, folf, varðeldar og skátasmiðjur er meðal þess sem er í boði. Hægt er að kaupa sérstök dagskrárarmbönd sem gilda alla helgina.  Þau kosta 2.000 kr. fyrir alla helgina en einnig er hægt að kaupa í einstaka dagskrárliði.

Bananahús fyrir yngstu krakkana

Þá verður sérstakur bananaleikur í gangi fyrir yngstu krakkana á tjaldsvæðinu alla helgina en þar eru krakkarnir hvattir til að leysa hin ýmsu verkefni eins og t.d. að teikna mynd af Úlfljótsvatni, búa til blómvönd, spreyta sig í þrautabraut eða hjálpa til við kvöldmatinn. Þegar þau hafi lokið 12 af 16 mögulegum verkefnum fá þau gefins litla gjöf og banana í sérstöku bananahúsi. Bananaleikurinn er innifalinn í tjaldsvæðisgjaldi.

Úlfljótsvatn er fjölskyldutjaldsvæði

„Við viljum taka það sérstaklega fram að Úlfljótsvatn er fjölskyldutjaldsvæði hugsað fyrir fjölskyldufólk og hér er kyrrð á svæðinu frá miðnætti“, segir Guðmundur og áréttar að ölvun sé ekki leyfileg á svæðinu þó að mönnum sé velkomið að fá sér vínglas með matnum.

Á liðnum árum hefur aðstaðan á Úlfljótsvatni byggst upp, bæði afþreying sem og hreinlætisaðstaða. Tjaldsvæðið er öllum opið og allir velkomnir.  Ókeypis er fyrir 16 ára og yngri í fylgd með fullorðnum.

Vissara að hafa hausinn í lagi þegar farið er í klifurturninn

Vissara að hafa hausinn í lagi þegar farið er í klifurturninn

Fjölbreytt dagskrá alla helgina

Fimmtudagur

16-21 Frítt kaffi í þjónustuhúsinu á meðan fólk er að koma sér fyrir

Föstudagur
16-17 Myndapóstaleikur um svæðið
16-23:30 Frítt kaffi í þjónustuhúsinu á meðan fólk er að koma sér fyrir

Laugardagur
10-12 Hoppukastalar
11-12 Myndapóstaleikur
11-12 Bogfimi
13-15 Bátaleiga
14-15 Folf kennsla
15-16 Barnavarðeldur
16-18 Skátasmiðja (efniskostnaður ekki innifalinn í dagskrárgjaldi)
16-17 Poppað á opnum eldi
17-18 Þrautabraut
17-18 Turn
14-17 Vöfflusala í Gilwell skálanum
21-22 Varðeldur að skátasið

Sunnudagur
10-12 Hoppukastalar
10-12 Hnútakennsla
13-15 Bátaleiga
14-17 Vöfflusala í Gilwell skálanum
14-16 Skátasmiðja (efniskostnaður ekki innifalinn í dagskrárgjaldi)
15-16 Vatnasafarí
16-18 Turn
21-22 Varðeldur að skátasið

Mánudagur
10-12 Hoppukastalar
10-12 Bogfimi
13-15 Bátaleiga

Ókeypis gisting fyrir börn

Verð fyrir gistingu á tjaldsvæði er stillt í hóf og gista börn 16 ára og yngri ókeypis. Auk þess er ókeypis fyrir þau í barnaleikinn yfir verslunarmannahelgina.  Fullorðnir greiða 1.200 kr. fyrir gistingu fyrstu nóttina á tjaldsvæðinu, önnur nótt kostar 1.000 kr. og allar nætur eftir það 900 kr., ef allt er greitt í einu við komu á svæðið.  Mögulegt er að fá tengingu við rafmagn og kostar það 1.000 kr. hver nótt.

Dagskrárpassi sem gildir í dagskrá alla helgina kostar 2.000 kr. Einnig er mögulegt að taka þátt í einstaka dagskrárliðum og kostar það frá 300 – 1.000 kr.

Ró-legt á Úlfljótsvatni

Ró-legt á Úlfljótsvatni

Fjölskylda Ólafs Ásgeirssonar, f.v. skátahöfðingja, hefur stofnað minningarsjóð sem hefur það hlutverk að styrkja uppbyggingu Útilífsmiðstöðvar skáta á Úlfljótsvatni.

Fjölskyldan biður þá sem vilja minnast Ólafs að gera það með því að leggja inn á reikning sjóðsins sem skráður á nafn Útilífsmiðstöðvar skáta á Úlfljótsvatni.

Kennitala sjóðsins er 420278-0209 og reikningsnúmerið er 0513-14-290940.

Kvittanir fyrir greiðslu óskast sendar á netfangið skatar@skatar.is og mun minningarskeyti þá verða sent til fjölskyldunnar.

Fjölskyldan og Úlfljótsvatnsráð munu velja verkefni það sem féð verður notað til að framkvæma þegar ljóst er hver upphæðin verður.